今天是:

གནད་མཐོང་ཆེ་ཤོས།

རྒྱལ་ཡོངས་གནད་མཐོང་ཆེ་ཤོས།

མདུན་ཤོག > གནད་མཐོང་ཆེ་ཤོས། > རྒྱལ་ཡོངས་གནད་མཐོང་ཆེ་ཤོས།

སྲིད་གཞུང་བྱ་བའི་སྙན་ཞུ་ལས་དམངས་ཕན་སྐོར་གྱི་གསར་འགྱུར་ཉི་ཤུ།

1.

ཁ་པར་སོགས་ཀྱི་དྲ་རྒྱའི་བཞུར་ཚད་འཁྱམ་བཞུད་གྲོན་སོང་མེད་པར་བཟོས་ཏེ།སྒུལ་བསྐྱོད་དྲ་རྒྱའི་རྒྱུག་ཚད་ཀྱི་གྲོན་དངུལ་ལོ་འདིའི་ནང་ཉུང་མཐར་ཡང30%ཇེ་ཉུང་དུ་གཏོང་རྒྱུ།

2.

མང་ཚོགས་དང་ཁེ་ལས་ཀྱི་ལས་དོན་སྒྲུབ་ལུགས་ཀྱི་ངོ་སྤྲོད་ཡི་གེ་སྣ་ཚོགས་གཙང་བཤེར་དང་།བཅའ་ཁྲིམས་དང་ཁྲིམས་སྲོལ་གྱི་གཞི་འཛིན་ས་མེད་རིགས་ཚང་མ་མེད་པར་བཟོ་རྒྱུ།

3.

ལོ་ཧྲིལ་པོར་སླར་ཡང་ཁེ་ལས་དང་མི་སྒེར་གྱི་དཔྱ་ཁྲལ་སྒོར་དུང་ཕྱུར8000ལྷག་ཙམ་ཉུང་དུ་གཏོང་རྒྱུ།

4.

ལོ་ཧྲིལ་པོའི་ཚོང་རའི་གྲུབ་ཆ་གཙོ་བོའི་དཔྱ་ཁྲལ་མ་ཡིན་པའི་ཁུར་པོ་སྒོར་དུང་ཕྱུར3000ཉུང་དུ་གཏོང་བ་དང་། ཚུལ་མཐུན་མིན་པ་མཐའ་གཅིག་ཏུ་མེད་པར་བཟོ་བ་དང་།མཐོ་དྲགས་དག་མཐའ་གཅིག་ཏུ་ཉུང་དུ་གཏོང་རྒྱུ།

5.

རྒྱལ་ཁབ་ཀྱིས་ཚན་རྩལ་ལ་བཏང་བའི་མ་དངུལ་དམངས་འཚོའི་ཁྱབ་ཁོངས་སུ་ཁ་ཕྱོགས་ནས། སྨུག་རྡུལ་དག་སེལ་བྱེད་ཤུགས་དང་སྐྲན་ནད་སོགས་ནད་གཞི་ཚབས་ཆེན་འགོག་བཅོས་འགག་སྒྲོལ་ཆེར་བཏང་ནས།ཚན་རྩལ་གྱིས་མི་དམངས་ལ་བདེ་སྐྱིད་སྔར་བས་ལེགས་པ་བསྐྲུན་རྒྱུ།

6.

གསར་གཏོད་ཀྱི་གསོན་ཤུགས་འཕེལ་རྒྱས་གེགས་རྡོ་གྱུར་བའི་ལམ་ལུགས་ཉོག་རྫོབ་དེ་སེམས་ཐག་ཆོད་པས་མེད་པར་གཏོང་རྒྱུ།

7.

ད་ལོར་སླར་ཡང་གྲོང་གསེབ་ཀྱི་མི་འབོར་དབུལ་པོ་ཁྲི་ཚོ1000ཡན་ཉུང་དུ་གཏོང་རྒྱུ་དང་། མི་ཁྲི་ཚོ280ཡུལ་གཞན་དུ་དབུལ་སྐྱོར་གནས་སྤོ་ལེགས་སྒྲུབ་བྱེད་རྒྱུ།

8.

ད་ལོ་སླར་ཡང་གྲོང་ཁྱེར་དུ་མི་ཁྲི་ཚོ1300གཞིས་ཆགས་པར་བྱས་ཏེ། ཞིང་ལས་སྤོ་སྒྱུར་མི་འབོར་གྲོང་ཁྱེར་ཅན་དུ་འགྱུར་ཚད་མཐོ་རུ་གཏོང་རྒྱུ།

9.

ནུས་གསར་རླངས་འཁོར་ཉོ་སྒྲུབ་དཔྱ་ཁྲལ་གྱི་གཟིགས་སྐྱོང་སྲིད་ཇུས་ད་དུང་ལོ་གསུམ་ལ་དུས་འགྱངས་བྱ་རྒྱུ་དང་།ལོ་ཧྲིལ་པོར་རླངས་འཁོར་རྙིང་པ་གནས་སྤོ་ཚོད་འཛིན་བྱེད་པའི་སྲིད་ཇུས་ཁྱོན་ཡོངས་ནས་མེད་པར་བཟོ་རྒྱུ།

10.

རྒྱལ་གཉེར་གཙོ་གནད་མཛེས་ལྗོངས་ཁུལ་གྱི་སྒོ་འཛིན་སྤ་སེ་རིན་གོང་དམའ་རུ་གཏོང་རྒྱུ།

11.

རླངས་འཁོར་དང་རྒྱུན་མཁོའི་འཛད་སྤྱོད་དངོས་རྫས་འགའ་ཤས་ཀྱི་ནང་འདྲེན་སྒོ་ཁྲལ་ཉུང་དུ་གཏོང་རྒྱུ།

12.

ངལ་རྩོལ་འབྲེལ་བའི་གྲོས་མོལ་ལམ་སྲོལ་འཐུས་སྒོ་ཚང་བར་བྱས་ནས་ཕོ་མོའི་དབྱེ་བ་དང་ཐོབ་ཐང་གི་འཛིན་ཕྱོགས་མེད་པར་གཏོང་རྒྱུ།

13.

ལས་འཁྱུར་ངལ་གསོ་མི་སྣའི་གཞི་རྩའི་རྒན་གསོའི་འཚོ་དངུལ་དང་གྲོང་ཁྱེར་དང་གྲོང་གསེབ་ཀྱི་གྲོང་མིའི་རྨང་གཞིའི་རྒན་གསོའི་འཚོ་དངུལ་མུ་མཐུད་ནས་མཐོ་རུ་བཏང་སྟེ།སྤྱི་ཚོགས་ཀྱི་ཆེས་དམའ་བའི་གླ་ཕོགས་ཀྱི་ཚད་གཞི་ལུགས་མཐུན་སྒོས་ལེགས་སྒྲིག་བྱ་རྒྱུ།

14.

སྒེར་གྱི་ཐོབ་དངུལ་དཔྱ་ཁྲལ་སྡུད་མཚམས་ཇེ་མཐོར་བཏང་ནས་བྱིས་པའི་སློབ་གསོ་དང་།ནད་ཆེན་སྨན་བཅོས་སོགས་ཆེད་སྤྱོད་གྲོན་དངུལ་ཉུང་འཕྲི་བྱེད་པ་མང་དུ་གཏོང་རྒྱུ།

15.

གྲོང་གསེབ་ཀྱི་སློབ་མའི་སློབ་བྱོལ་ཚད་ཏན་ཏིག་སྒོས་དམའ་རུ་གཏོང་བ་དང་།གྲོང་ཁྱེར་དང་གྲོང་རྡལ་གྱི“འཛིན་གྲྭའི་སློབ་མ་གྲངས་ཚད་བརྒལ་བ”དམ་འཛིན་སེལ་ཐབས་བྱས་ནས།  སློབ་གྲྭ་འབྲིང་ཆུང་གི་སློབ་མའི་སློབ་གསེང་གི་སློབ་ཁྲིད་ཁུར་པོ་ལྕི་བའི་གནད་དོན་ཐག་གཅོད་གང་ཐུབ་བྱ་རྒྱུ།

16.

དྲ་སྦྲེལ་སོགས་ཆ་འཕྲིན་ཅན་གྱི་བྱེད་ཐབས་སྤྱད་དེ།བྱིས་བཅོལ་གསོ་སྐྱོང་བྱེད་པའི་བརྒྱུད་རིམ་ཧྲིལ་པོར་ལྟ་སྐུལ་དོ་དམ་བྱེད་པར་ཤུགས་སྣོན་བྱས་ནས་ཁྱིམ་བདག་བློ་བདེ་ཡོང་བར་བྱ་རྒྱུ།

17.

གྲོང་མིའི་གཞི་རྩའི་སྨན་བཅོས་འགན་བཅོལ་གྱི་མི་རེའི་ཆ་སྙོམས་ཀྱི་ནོར་སྲིད་ཁ་གསབ་ཚད་གཞི་དེ་སླར་ཡང་སྒོར40མང་དུ་གཏོང་བ་དང་། དེའི་ཕྱེད་ཀ་ནད་ཆེན་འགན་བཅོལ་ཐད་སྤྱོད་རྒྱུ།

18.

ཁང་བ་ནི་སྡོད་སའི་གནས་ལས་ཚོང་གཉེར་བྱེད་སྤྱད་མིན་པ་རྒྱུན་འཁྱོངས་དང་ངེས་གཏན་བྱ་རྒྱུ།

19.

མི་དམངས་ཀྱི་བདེ་སྐྱིད་ལྡན་པའི་འཚོ་བར་བསམ་པའི་རྒྱགས་ཕྱེ་ཕུན་སུམ་ཚོགས་པའི་མཁོ་འདོན་བྱེད་རྒྱུ།

20.

མང་ཚོགས་ཀྱིས་དོ་སྣང་དང་སེམས་ཁུར་བྱེད་པའི་དོན་དག་རེ་རེ་བཞིན་ཐག་གཅོད་ལེགས་པོ་བྱ་རྒྱུ།

©༢༠༡༧ཀན་ལྷོའི་ཏང་གི་འཛུགས་སྐྲུན་དྲ་བ། ཀྲུང་གུང་ཀན་ལྷོ་ཁུལ་ཨུའི་རྩ་འཛུགས་པུའུ་ཡིས་གཙོ་སྒྲུབ་བྱས་པས་པར་དབང་འདི་གར་དབང་།

སྡོད་གནས། ཀན་ལྷོ་ཁུལ་ཨུའི་གཅིག་གྱུར་གཞུང་ལས་ཐོག་ཁང་གི་དྲུག་ཐོག ཁ་པར། ༠༩༤༡--༨༢༢༢༡༥༩ སྦྲག་ཨང་། ༧༤༧༠༠༠

དྲ་ངོས་རྡེབ་ཚད།མི་ཐེངས། དྲ་ངོས་སྒྲིག་བཟོ། ཧུང་ཏེན་དྲ་རྒྱ།

甘公网安备 62300102000044号